طبق البامية

من سنة او يزيد وانا عاوز اكل طبق بامية وكام بصلة مما تسيل لهم دموع العين …وقليل من الطورشي البلدي السابح في مياة الطروشي… وبعد الاكل طبعا بالهنا والشفا كوباية شاي زي الحبر نحبس بيها …حيث ان هذة الوجبة ما زالت محل مفاوضات ومداولات مع الحاجه…وحيث ان الحاجه عافاها الله وشافاها وبارك في عمرها بعافية شويتين …حيث كدة بقي بقول ليكم محدش يكسب فيه ثواب كبير ويستضفني انا وفريق الكشافة الي في البيت لمدة قصيرة قيمة شهر ولا شهرين كدة عندة….او لو بقي مفيش مفر اذا كان فيه عروسة تجيد طبخ البامية والملوخيةوالسبانخ والبتنجان ابو تقليه وانت مشتقلية وتجيد طبخ جميع انواع الفول ههههههههههههه تلك الاطعمه التي تجلب الحموضه المستعجلة عافاكم الله ملقيش عندكم هربا من عروسة الحاجه هل فيه بنت الحلال ؟؟!!ربنا يرزقنا الزوجه الصالحه التي تعني علي امر ديني ودنياي… لان محسوبكم اليومين دول ولله الحمد والمنة انتقل من فئه  محدودين الدخل الي فئه الكسيبه علي قول جرنا العزيز ورزقنا ورزقها علي الرزاق..”ربي اني لما انزلت الي من خير فقير”…. ويمكن تاخير اكلة البامية في خير والله اعلم ….ربنا يطعمنا من البامية الي في الجنه انه سميع قريب مجيب دعوة الداعي الا في الجنة بامية وملوخية والخ الخ….حد علي استعداد انه يعزمني علي طبق البامية ان شا الله يكون قرداحي حتي ؟؟؟؟؟